По спроведувањето на државната програма за стерилизација во индијската држава Чатистар починаа осум жени, а десетици се во критична состојба
Над 80 жени кои се подвргнале на стерилизација во владиниот камп во дистриктот Биласпур почнале да чувствуваат компликации одма по интервенциите, проследени со опаѓање на пулсот, гадење и повраќање-пренесува Танјуг. Стерилизацијата ја извршиле еден лекар и неговиот помошник. Власта ќе спроведе истрага за причините за смртта на жените, изјавил еден локален полициски комесар.
Локалните влади во Индија често нудат разни погодности за брачните двојки што доброволно ќе се подвргнат на стерилизација, како на пример автомобили, електрични апарати за домаќинство. Целта на оваа програма е да се намали бројот на раѓања во Индија којашто има над милијарда и двесте милиони жители.
