Десет дена се потребни организмот да се навикне на промената на времето. Лекарите предупредуваат дека падот на температурата може лошо да влијае не само на болните туку и на здравите, пишува Здравство 24.
Од заладувањето најпогодени ќе бидат метеоропатиите и лицата со хронични заболувања.
– За граѓаните полесно да ги поднесат промените на времето потребно е да практикуваат физичка активност и да внимаваат на исхраната, советува д-р Љубе Пајковски, раководител во Брза помош.
Поради големите температурни разлики во Брзата помош очекуваат и зголемен број на повици.
