Луксузниот брод “Карнивал Триумф” во неделата останал без гориво среде Мексиканскиот залив, по пожарот кој избил во погонскиот дел на бродот.
Светските медиуми јавуваат дека состојбата на бродот е драматична – снемало струја, не работат тушевите, тоалетите и клима уредите. Патниците по 4 часа чекаат во ред за храна, а избиле и првите тепачки за храната бидејќи полека се чуствува недостиг.
Патниците спијат на палубата затоа што во кабините е неиздржливо топло, вода тече од запушените санитарни одводи, теписите во кабините се натопени со урина, а фекалии истекуваат по ѕидовите.
Брод кој припаѓа на истата компанија заминал во помош на застанатиот брод, но само за да достави храна и чамци за спасување.
Шефот, на компанијата, Џери Кејхил вети дека на сите патници ќе им бидат вратени парите, вклучувајќи ги сите пари со кои купувале на бродот, освен парите потрошени за сувенири и во казината.
Патниците ќе добијат и бон за идно патување во вредност од ова кое пропадна. Компанијата е сопственик на потонатиот брод “Коста Конкордија”.
