Им објаснува од каде потекнува обичајот и им посакува добредојде. И така ги плени. Повеќето од нив стануваат редовни муштерии на ресторанот „Бела Бамбина“ во Ротсеј Беј, Оукленд. На нивната интернет-страница пишува дека нудат италијанска храна, јадења што потекнуваат од Македонија, Грција, Бугарија, Русија.
„Готвачот е Македонец и ужива да ги дочекува гостите со ракија – македонски пијалок што потсетува на грапа или сливовица. Ќе уживате во топлата семејна атмосфера. Има и бесплатно изненадувања за децата – топло чоколадо и сладолед“, пишува на страницата на ресторанот.
Најдовски завршил угостителско училиште во Kрушево. Отишол во Нов Зеланд пред повеќе од десет години. Вели дека живеел во Австралија, Kина, Швајцарија, Италија, Германија, Австрија и во многу други земји. Решил во Нов Зеланд да помине година, две, да види како е.
– Ама многу ме бендиса и останав. Се запознав со сопругата, која по потекло е од Kина и по една година ни се роди ќеркичката Марија. Така полека пуштив корени во Нов Зеланд и останав долго. Иако сум тука со телото, мојата душа уште е во Македонија. Ми недостасуваат роднините и пријателите – вели тој.
Целиот текст прочитајте го тука.
