Со победата од 21:15 во дуелот против Исланд, македонската ракометна репрезентација до 20 години го освои првото место во квалификациската група за пласман на завршницата од Европскиот шампионат што годинава ќе се одржи во Австрија.
Нашата млада селекција одигра уште извонреден натпревар во полната сала на СРЦ Кале и сосема заслужено го совлада Исланд.
Најефикасен во нашиот тим повторно беше Филип Талевски кој постигна 11 гола, Мартин Манасков четири пати се запиша во листата на стрелците, а извонреден на голот на нашиот тим беше Филип Ивановски со 14 интервенции.
Во составот на Исланд прв стрелец со три гола беше Оскар Олафсон.
Македонија со максимален учинок во трите средби го освои првото во групата и обезбеди пласман на Европското првенство што ќе се одржи во Австрија.
