Идната недела земјава нема да биде ставена на дневен ред на самитот на Европскиот совет.
Според Ирското претседателство на состанокот збор ќе стане само за доделување датум за преговори на Србија.
Дописникот на МИА од Брисел јавува дека на самитот, нема да има ниту заклучок ниту датум за преговори.
За Македонија ќе кажам дека жалам, но по барање од Комисијата да даде предлог, кај земјите-членки се појавија погледи дека сега не е време оваа земја да се придвижи напред од претходните позиции.
Не е тајна дека настаните во земјата меѓу декември минатата година и пролетва имаа влијание, иако е забележан добар прогрес во нивното решавање. Сепак, за отворање на преговорите се потребни и добри билатерални односи со соседите, во што нема прогрес за да донесе Европскиот совет позитивна одлука,јави МИА.
Во врска со прашањето за додделување за датум за преговори за Македонија претседателството ќе се наврати наесен, а ќе се решава на декемврискиот самит на Европскиот совет.
Македонија седум години има кандидатски статус и има четири позитивни препораки.
