На граничниот премин Меџитлија утринава е спречен обид за нелегално изнесување на 97.300 американски долари од државата.
Девизите се пронајдени во автомобил со македонски регистарски таблички, управуван од македонски државјанин.
Возачот и патниците изјавиле дека немаат ништо за пријавување, а едниот од нив Ј.И. пријавил дека со себе носи околу 1.000 долари за трошоци по пат.
Поради сомневање во изјавата, царинските службеници пристапиле кон контрола на возилото и патниците при што во чантата на Ј.И. пронајдени се непријавените 100.000 американски долари.
Согласно Законот за девизно работење, 2.700 долари, односно 2.000 евра, износ кој може слободно да се изнесе од државата, му се вратени на Ј.И, а остатокот од 97.300 долари е привремено задржан.
Против Ј.И. е поведена соодветна прекршочна постапка.
