Манекенката Елиза Колоџиеј го задушила својот 6-годишен син со перница, а потоа и самата си пресудила, бидејќи била убедена дека нејзиниот богат сопруг ќе ја остави.
Телата на 27-годишната манекенка и нејзиниот син ги пронашол сопругот Себастиен Колоџиеј во нивната куќа во Полска. Пријателите и соседите се шокирани, опишувајќи ги како совршено семејство од бајките.
Откако го задушила синот со перница, Елиза земала нож од кујната и се забодела во срце. Некогаш била модел, а дипломирала на престижниот универзитет Козмински. Фотографиите кои ги објавувала на својот Фејсбук профил прикажувале среќни моменти со синот.
„Беше висока, прекрасна и љубезна. Тој пак е успешен и богат, а нивниот син беше безгрижно дете со многу пријатели”, изјавил еден од соседите.
Било познато дека Елиза пати од депресија и дека почнала да посетува психијатар откако станала опседната со мислите дека нејзиниот сопруг ќе ја остави.
„Имаше богат сопруг и се плашеше дека ќе ја остави. Престана да излегува. Се затвори дома и не можеше да ја поднесе ситуацијата”, изјавил семеен пријател.
Истрагата на полицијата се уште трае.
