Непознат маж нападна патници во воз во Швајцарија, при што се повредени шест лица, соопшти полицијата во Сент Гален.
Напаѓачот бил вооружен со нож и истурил запалива течност во вагонот. Жртвите се здобиле со исеченици и изгореници по телата.
Меѓу повредените има и едно шестгодишно дете. Сите биле веднаш префрлени в болница.
Напаѓачот, 27-годишен швајцарски државјанин, исто така настрадал.
Возот се движел на источниот дел од земјата, во близина на границата со Лихтенштајн.
