Министерството за култура остро го осудува уништувањето на надворешноста на националната установа Музеј на албанската азбука во Битола, каде што е презентиран дел од културната историја на албанскиот народ во Република Македонија.
– Историјата на албанскиот народ е еден дел од заедничкото мултикултурно наследство кое е силна одлика на Република Македонија. Во таа насока, апелираме на воздржаност од насилство и почитување на културното наследство на нашата држава, се вели во соопштението од Министерство за култура.
