Мисајловски: Со ваков тренд на заболени несериозно е да се зборува за избори и да се лицитира со датуми


ВМРО-ДПМНЕ смета дека во ситуација кога е во постојан пораст бројот на позитивни на КОВИД-19, неодговорно е да се зборува за избори и да се лицитира со датуми.

Потпретседателот на партијата Владо Мисајловски истакна оти имало канал за комуникација со другите партии за договор за датумот на изборите, но оти сега ситуацијата со порастот на заболените и починатите е сосема поразлична од тогаш кога се разговарало и оти сега нема смисла да се разговара за избори.

– Ние имаме нова релност во Македонија која Заев ја нарекува нормална реалност, но бројките покажуваат многу различлно. Денеска имаме црн понеделник. На ваков ден да се зборува за избори и да се тера кампања е несериозно. Ние сме одговорна партија и ќе се грижиме за здравјето за граѓаните. Би сакал да прашам како Зоран Заев знае дека ќе заврши вонредната состојба сега, како знае дека ова ќе биде последно продолжување на вонредната состојба и дали одлуките се носат политички. Треба да се има малку разум, ако по секоја цена сакаат да одат на избори и да бидат извор на пандемија, тоа не го заслужиле граѓаните и ние нема да го дозволиме, истакна Мисајловски.

Тој одговарајќи на новинарско прашање на денешната прес-конференција, истакна дека имало канал за комуникации како што знае јавноста, но оти реалноста сега е поинаква кога „половина партија на СДСМ е во изолација“.

– Јас им посакувам добро здравје на сите и на нивните семејства. Не е време за избори или време да нафрламе датуми кога ќе има избори и слично. Време е сите сплотено во државата да се посветиме на здравјето на граѓаните и ништо повеќе, рече Мисајловски.

Тој како невистинити ги квалификуваше информациите дека најнов предлог на неговата партија бил предвремени парламентарни избори да има во 2021 заедно со локалните.

Share Button
MK News

Автор инфо

No comments yet.

Остави коментар

UA-33057274-1