Виктор Микула (18), син на романски тајкун максимално ги користи парите на својот татко: од доаѓање на школо со хеликоптер или Ферари, до возење со прескапи Мерцедес лимузини.
Сепак, и покрај сите материјални добра, заборавил зошто оди на школо – поради учењето. Така, се обидел да препишува на испит, што резултирало со бркање од училиште, пишува Дејли мејл.
На новинарите им се фалел дека е подготвен и самоуверен пред матурскиот испит. По полагањето, истрчал од школо пред кое го чекала лимузина.
По неколку дена, се` добило свое објаснување. На огласната табла се појавиле резултати од испитот, на кои покрај неговото име стоело дека е избркан поради препишување.
– Ова му беше последна прилика да матурира, откако еднаш веќе падна на завршниот испит. Ова само покажува дека парите не можат да купат се`, но не верувам дека ова многу ќе влијае на неговата кариера, бидејќи секогаш може да се вработи кај татко му, рекол негов другар од школо.
