МНР испрати и официјална реакција надлежните служби во Унијата заради погрешното именување на нашиот јазик на веб страната на Унијата.
„Би сакале да ве информираме дека Министерството за надворешни работи, преку Постојаната Мисија на Република Македонија во ЕУ, испрати официјална реакција до надлежните служби во Унијата, а во врска со погрешното именување на нашиот јазик на веб страницата на ЕУ. И во претходни вакви или слични случаи, како и сега, Министерството за надворешни работи на Република Македонија редовно упатува реакција со која се бара корекција и именување на јазикот како македонски. Оваа пракса е резултат на долгогодишниот спор меѓу Република Македонија и Грција.“ – стои во соопштението од МНР.
