Непознати лица ја запалиле вилата на поранешниот грчки премиер Константинос Симитис на морскиот брег во реонот на Аги Теодори во близина на Атина.
При пожарот, предизвикан од рачно запаливо средство, биле нанесени големи материјални штети, но нема настрадани, соопшти грчката полиција.
Шефот на пожарната служба на полуостровот Пелопонез, Константинос Јовас истакна дека изгорел поголем дел од вилата.
Остатоците од запаливото средство, се предадени на експерти од антитерористичката служба на Грција.
Симитис беше премиер на Грција и лидер на партијата ПАСОК од 1996 до 2004 година.
