Доналд Трамп со последната одлука на Претсавничкиот дом стана третот американски претседaаел во 243 години долгата историја на САД кој ќе се соочи со судење во Сенатот и потенцијална смена на функцијата.
Претставничкиот дом гласаше за отповикување на Трамп кој е обвинет за злоупотреба на службената должност и спречување на истрага на конгресот. Тој е отповикан за два чина: злоупотреба на моќта и опструкција на Конгресот. Притоа се наведува дека Трамп ја искористил претседателската власт за да добие помош од странска држава, во случајот Украина да започне истрага против неговиот политички ривал пред претседателските избори во 2020 година. Трамп целиот процес го оцени како „лов на вештерки“ од страна на демократите.
Демократите го обвинуваат Трамп дека ја злоупотребил својата должност со тоа што го замолил украинскиот претседател Володимир Зеленски да покрене истрага за Jо Бајден, поранешен потпретседател на САД и водечки кандидат за демократската номинација во САД во 2020 година.
Според наводите, Трамп ја условувал услугата за деблокирање на воена помош за Украина.
Следниот чекор ќе биде судење во Сенатот, што ќе се одржи на почетокот на следната година. Тој судски процес ќе утврди дали тој ќе биде отстранет од функцијата или не? Сто сенатори и сенаторки ќе направат порота на тоа судење, кое ќе го води претседателот на Врховниот суд, Џон Робертс.
За да му го одземат на Трамп мандатот, најмалку 67 пратеници треба да гласаат „за“, затоа што е неопходно да се има двотретинско мнозинство, за што е тешко да се поверува со оглед дека републиканците имаат главно место во Сенатот. Имено, ќе беа потребни 20 републикански сенатори да гласаат за да го отстранат претседателот Трамп од функцијата, што секако нема да се случи “, пренесуваат медиумите во светот.
Трамп, во меѓувреме, на Твитер да ги повика своите приврзаници да се молат за него.
„Дали можете да верувате дека ќе ме отповикаат радикалните левичари денес, демократите кои не прават ништо, а јас не направив ништо погрешно! Ужасно. Прочитајте ги записниците. Тоа никогаш повеќе не треба да му се случува на друг претседател. Молете се”, напиша тој.
Белата куќа верува во различна одлука во Сенатот
Белата куќа по гласањето соопшти дека е уверена дека Сенатот ќе го ослободи Трамп.
„Една од најсрамните епизоди во историјата на нашата нација се случи во Претставничкиот дом“, стои во изјавата на портпаролката на Белата куќа Стефани Гришам.
Претходно во дебатата, што беше проследена со гласање, спикерот на Домот, Ненси Пелоси, го нарече Трамп „закана за американската демократија“.
„Ние сме тука да ја браниме демократијата за народот“, рече Пелоси.
Сепак, по гласањето, таа потврдила дека ќе го испрати обвинението само до Сенатот кога ќе ги види правилата за судење што ќе ги донесе Сенатот. На прашањето дали тоа значи дека постои можност обвинението да не биде проследено до Сенатот, таа не го негираше тоа.
