Над 42 илјади Косовци се откажале од државјанство за 9 години – а 560.000 Албанци станале граѓани на ЕУ


Од 2009 до почетокот на 2018 година, над 42 илјади граѓани на Косово се откажале од државјанството, додека само во првите четири месеци од оваа година истото го сторилe 1 648 Косовци.

Загрижувачки е бројот на младите, на возраст од 18 до 34 години, кои се откажуваат од косовското државјанство, пишува „Зери“. Заменик- министерот за внатрешни работи Изми Зека вели  за весникот дека на почетокот на годинава е видно зголемен бројот на оние што се откажале од државјанството, споредено со минатата година.

– Главната причина за откажување од косовското државјанство е добивањето државјанство во некои од земјите на Европската унија, кои не дозволуваат двојно државјанство за оние кои не се државјани на ЕУ, вели Зека.

Иста ситуација и во Албанија.

Податоците објавени од Евростат потврдуваат дека за подобар живот албанските граѓани се повеќе сакаат да ја напуштат земјата.

Според Евростат, Албанија се смета за земја со најголем број граѓани кои добиле дозвола за престој во некоја од земјите членки на ЕУ или околу 560.000, при тоа поголем процент од нив добиле и државјанство на таа земја. Најголем број од нив станале грчки државјани.

– И во 2017 година, Албанија го зазема првото место според бројот на емигранти, кои добиле дозвола за престој. Најголем број или 19.656 албански граѓани добиле дозвола за престој во Италија, потоа следи Грција, каде дозвола за престој добиле 16.468 албански граѓани, се наведува во извештајот на Евростат.

Босна и Херцеговина и Србија се другите две земји од Балканот кои имаат голем број граѓани кои добиле дозвола за престој. По нив следува Косово, од каде само лани дозвола за престој добиле 26.000, по што доаѓаат македонските граѓани.

Доколку се погледнат податоците на Државниот инситут за статистика на Албанја лани земјата ја напуштиле 40.000 лица, што е значително поголем број споредено со претходната година.

Ако се направи пресметка, во последните десет години околу 560.000 албански граѓани првпат добиле дозвола за престој во земјите на ЕУ.

Рекордна година по добиени дозволи за престој за албанските граѓани е 2008 година, кога таков документ првпат обезбедиле околу 100.000 лица.

 

Share Button
MK News

Автор инфо

No comments yet.

Остави коментар

UA-33057274-1