НАСА објави видео и фотографии од моќниот ураган Сенди за кои е проценето дека е најсилната бура која ја погодила Америка досега.
Сенди се доближува до америкаснкиот брег, а се очекува да удри во областа меѓу Њујорк и Њу Џерси.
Овие снимки се од вселената и на нив се гледа застрашувачката сила на природата и разорната моќ на ураганот.
Во меѓувреме во Њујорк постои евакуација на жителите на крајбрежјето, прекинат е јавниот превоз и издадени се мерки за безбедност. Рафтовите во продавниците се испразнети, се става заштита на излозите и прозорците. Според проценките од ураганот Сенди ќе бидат зафатени околу 60 милиони луѓе.
