Масовно труење во Драчево. Досега 37 лица завршија на Клиниката за инфективни болести. 12 од нив се хоспитализирани а меѓу нив е и 29 годишна трудница, дознава zdravstvo24.mk. 
Во епидемиолошката анкета сите изјавиле дека јаделе од сендвичара во Драчево. Првиот пациент бил примен ноќта меѓу вторник и среда. Најмладиот кој побарал помош на Инфективна има 4 години а најстариот од затруените е 30 години.
Првичните претпоставки се дека сите имаат бактериска цревна инфекција, но се чекаат резултатите од ИЈЗ за дефинитивно лоцирање на причинителот.
Дел од пациентите кои побарале лекарска помош имале бурна реакција проследена со дехидрирање, пролив и повраќање. Според информациите од Државниот санитарен и здравствен инспекторат, сендвичарата по пријавувањето е веднаш затворена.
