Таман се подготвувате да излезете, и одеднаш сваќате дека вашите нови чевли се премногу тесни за да можете да поминете во нив цела вечер.
Ви се чини дека кога сте ги купиле не ви биле толку мали, а сега сваќате дека ќе ви биде тешко да издржите цела вечер со нив. Доколку немате време да ги однесете кај чевлар, еве што можете да сторите.
Алкохол – Измешајте еднаква количина на вода и алкохол и потоа напрскајте ја внатрешноста на чевлите и истрљајте ги. Потоа навлечете дебели чорапи и половина час шетајте по собата во чевлите.
Фен – Со фенот грејте ги чевлите околу една минута за да омекне кожата, па преку дебели чорапи облечете ги и шетајте низ домот додека чевлите не се оладат. Овој совет важи само за кожните чевли.
Замрзнувач – Наместо греење можете да примените и ладење. Земете ќеса наполнете ја со вода и ставете ја во чевлите. Потоа чевлите ставете ги во замрзнувач. Водата ќе се смрзне и на тој начин ќе ги рашири чевлите.
Компир – Излупете го компирот со средна големина и ставете го во чевелот, па остајте го да опстои една вечер. Во утринските часови чевлите ќе ви бидат пошироки и повеќе удобни за носење.
