Компанијата Epicenter во Шведска воведе нов начин на работа за вработените, со вградување чип под кожата наместо користење на картичка за евидентирање на работното време, пренесува Independent.
Малите чипови се вметнуваат во кожата на раката и можат да се користат за отворање на врати и користење на фотокопир. На 400 вработени во технолошката компанија Epicenter им било понудено да го вградат овој чип.
Менаџментот на компанијата планира да ги истражи можностите за употреба на чипови и за други работи како плаќање на храна во ресторанот, па дури и како замена за лозинките и пиновите во компјутерите.
„Сакаме подобро да ја разбереме оваа технологија пред владата и големите компании да ни се обратат“, смета Ханес Сјоблад од компанијата.
Според пишувањата на шведските медиуми, наскоро и други компании би почнале да го следат овој концепт за работа.
