Во Европската унија за три години треба да се воведе задолжително универзален полнач за мобилни телефони, ова доаѓа откако Европскиот парламент минатата недела го одобри овој потфат.
Оваа регулатива е дизајнирана за да се создадат соодветни услови за корисниците, но , исто така, и да се спречи создавањето на 51.000 тони на електронски отпад годишно , пренесува порталот ЕурАктив .
“Новите правила ќе ни овозможат да се користи еден полнач за мобилни телефони и слични уреди. Ова е многу добра вест за сите граѓани и животната средина “, рече заменик- претседателот на Европската комисија Антонио Тајани .
Нацрт-директивата за создавање хармонизирани правила за ослободувањето на радио опрема на пазарот според веб-сајтот на Европскиот парламент , им дава на земјите-членки две години да донесат нова легислатива во своето законодавство , како и дополнителна една година за производителите да се усогласат со новите прописи. Универзален полнач освен за мобилен телефон треба да имаат и други радио уреди, но Европската комисија ќе утврди дополнително точно за кои уреди ќе се однесува.
