Нерегистрирани лекови од Косово завршиле во кумановска аптека. Полицијата и инспекторите од Бирото за лекови заплениле повеќе од 500 прокриумчарени кутии. Голем дел од нив не се воопшто регистрирани во официјалниот регистар за лекови во земјата. Меѓу нив имало камагра и шпанска мушичка. 
41-годишниот сопственик на аптеката заработил кривична пријава за недозволена трговија и криумчарење. Тој кон крајот на јули минатата година по цена од 200.000 денари неовластено набавил поголема количина на лекови во земјата, со намера да ги продаде по многу повисоки цени.
