Едно од лицата кои денес паднаа во провалија на планината Галичица им подлегнало на повредите. Вториот човек е со тешки повреди и се уште чека евакуација.
Од СВР Охрид во изјава за Курир информираат дека лицата паднале во провалија над селото Трпејца, а нивното спасување дополнително е отежнато од непристапноста на теренот.
Екипи за спасување на полицијата, противпожарна служба, Црвениот крст, Службата за итна медицинска помош и Центарот за управување со кризи се на терен и во тек е акцијата за извлекување на лицата.
Според првичните сознанија, станува збор за државјани на Албанија за кои се претпоставува дека не биле планинари. Нивниот повик за помош по трагедијата го слушнал човек кој пешачел на планината, по што случајот бил пријавен.
Курир
