Галијата кај МЕПСО која најверојатно ќе биде првата отворена уште од летово, вчера се закити со златна сирена. Ројал Македонија е крстена првата од трите галии во Вардар дел од проектот Скопје 2014.
На крмата на бродот вчера беше монтирана скулптура на сирена во златна боја која ќе ја краси надворешноста на бродот кој ќе биде угостителски објект. Засега на оваа галија, од вкупно трите колку што се засега изградени во Вардар, се развеани бели едра, а нејзиниот ентериер се уште се уредува.