Вдовицата на Нил Армстронг, првиот човек кој стапна на Месечината, после неговата смрт открила скриени работи кои астронаутот ги зел од Аполо 11.
Армстронг почина во 2012 година, а сопругата Керол ги донирала непроценливите спомени, кои астронаутот со години ги криел, во музејот Смитсонијан. Нивната автентичност и припаѓањето на Аполо 11 е потврдена и на страниците од НАСА е детално прикажана.
Дури постојат и снимки на кои Армстронг му се обраќал на Баз Алдрон, астронаутот кој со него бил на мисијата на Месечината, а во кои ја споменува торбата и вели дека во неа има многу ѓубре кое треба да се однесе на Земјата.
За време на 40-те години, кои поминале меѓу слетувањето на Месечината и неговата смрт, Армстронг никогаш во ниеден збор не ја споменал торбата со драгоцените артефакти која била скриена во ормарот во неговиот дом во Охајо.
Меѓу предметите се наоѓала и камерата со која била снимено спуштањето на Аполо на површината на Месечината и таа е највредната работа од торбата на Армстронг. Во неа се наоѓале и леќи за камерата, различни кабли, огледало, француски клуч, ремени од шлемови, алат и уште неколку ситници, пренесува Дејли Меил.
