Нов влажен бран во Македонија, од среда затоплување


Почнувајќи од утре на пладне Македонија ќе ја зафати влажен бран со врнежи од дожд, на повисоките места од дожд и снег, а на планините од снег.

Како што информираат синоптичарите, врнежите ќе бидат пообилни во вечерните и ноќните часови, особено во западните и југоисточните делови, каде локално ќе бидат поројни, проследени со грмежи. На места ќе наврнат околу 20л/м2 воден талог, а снежната покривка на планините значително ќе се зголеми. Ќе дува умерен, вдолж Повардарието повремено засилен ветер од југоисточен правец.

Во првите два дена од следната недела ќе има локални врнежи од дожд, на планините од снег. Во вторник ќе има услови за појава на грмежи. Дневните температури ќе бидат во благ пораст и ќе се движат од 5 до 12 степени.

Потоа следува период на стабилно и суво време со значителен пораст на дневната температура.

Share Button
MK News

Автор инфо

No comments yet.

Остави коментар

UA-33057274-1