Нови детали за мистериозната смрт на познатата холивудска актерка Натали Вуд која почина пред 30 години.
Официјалните податоци говорат дека таа имала несреќа на јахтата, паднала од неа и се удавила во морето меѓутоа како што пренесува порталот „Радар онлајн“, полицијата дошла до нови докази.
Полициските инспектори уште еднаш ги прегледале доказите за нејзината смрт, а според новата истрага е утврдено дека актерката веќе била онесвестена кога паднала од јахтата. Полицијата во новата теорија за нејзината смрт го вплеткала и нејзиниот сопруг, актерот Ричард Вагнер, за кој се сомневаат дека првин ја онесвестил својата сопруга и потоа ја фрлил од јахтата , соопштил извор од полицијата. Вагнер и по смртта на Натали беше осомничен, но потоа ослободен од сомнение.
Досега официјалната верзија била дека Натали се удавила откако во алкохолизирана состојба по кавга со сопругот паднала од јахтата.
