Министерството за здравство информира дека денеска во попладневните часови, на корона вирус се тестирани двајца нови пациенти и нивните резултати се позитивни на вирусот.
„Според информацијата која ја имаме во моментов, станува збор за сопружници од Дебар, кои пред неколку дена се вратиле од Италија“, соопшти Министерството за здравство.
Министерството ги собира деталите за пациентите. Со дополнителните информации, Венко Филипче ќе одржи прес конференција во 19:30 часот во Владата на Република Северна Македонија.
