Новинарката на Франс 24, Соња Дриди, била мета на напад на група на протестанти во Каиро, кои се обиделе да ја силуваат, но благодарение на нејзиниот тим и колеги со кои била за време на снимањето, немилиот настан бил избегнат.
Групата ја опколиле Дриди, која известувала од плоштадот на кој претходно била нападната и силувана Лара Лога, новинарка од Си-Би-Ес и почнале да ја фаќаат по целото тело, а потоа се обиделе да ја соблечат.
За среќа нејзиниот колега, Ашраф Калил дописник за магазинот „Тајм“ и за Франс 24 реагирал навремено и успеал да ја оттргне од толпата мажи.
Ашраф силно ја прегрнал Дриди со цел да ја заштити, а потоа се упатиле во еден ресторан каде ја заклучиле вратата и чекале се додека не стигнала помошта.
