Австриски хотел дал оглас за вработување, ни повеќе ни помалку, за модерен дворски шут. Тие од него бараат да биде комуникативен, екстровертен, музички надарен и креативен.
Од кандидатите се бара да свират пред комисија на еден инструмент во текот на интервјуто за работа, а исто така се добредојдени и креативни костими. Кандидатот месечно ќе заработува 1 400 до 1 900 евра.
Директорката на хотелот рекла дека до оваа идеја дошла, бидејќи гостите требало да ги третираат како принцови и принцези и дека дворските шутови се луксуз кој кралските семејства треба да го имаат.
