Американските експерти соопштија дека сите 6 нуклеарни електрани кои се наоѓаат во регионот каде се очекува да помине и ураганот Флоренс се безбедни, меѓутоа, поедини експерти не се толку сигурни, предупредувајќи дека поплавите би можеле да ги загрозат нивните системи за заштита. 
Шест нуклеарни електрани се наоѓаат во Северна и Јужна Каролина, токму таму каде што е предвидено дека ќе удри ураганот.
Џеф Бјард помошник администратор на агенцијата FEMA изјави дека агенцијата не е загрижена за електраните кои ќе се најдат на патот на невремето во тој момент.
– Овие електрани се заштитени, имаат резервни генератори за струја и брзо можеме да процениме дали ќе се случи нешто по невремето, изјавил Бјард.
