Партијата Обединети за Македонија денеска престана да постои. Сите членови преминаа во редовите на ВМРО-ДПМНЕ, сопшти Наталија Ивчева, поранешен генерален секретар на Обединети за Македонија.
„Членовите на Обединети за Македонија, 95 насто од општинските организации, мнозинството од Претседателството, одлучивме партијата Обединети за Македнија да биде згасната, а членовите да се претопат во ВМРО-ДПМНЕ. Во овие моменти за секој човек кој ја сака сопствената држава, најголем приоритет е да не дозволи на власт да се вратат Љубчо Георгиевски и Бранко Црвенковски“, изјави Ивчева.
