Објавени спецификациите за Самсунг Галакси A6 и Галакси A6 +


Самсунг Галакси A е атрактивен паметен телефон од средниот ценовен сегмент кој нуди многу од функциите на најскапите модели на компанијата. Резултатите од бенчмарк тестовите покажуваат дека корејскиот производител веќе тестира два нови уреди во овој опсег со имињата СM-A600ФН и СM-A605Г. Се очекува дека двата паметни телефони ќе се продаваат под името Галакси A6 и Галакси A6 +.

Главната разлика помеѓу нив, покрај големината на екраните, ќе биде поврзана со различните процесори. Самсунг Галакси A6 ќе работи со беспрекорниот Ексинос 7870 процесор, кој е надополнет со АРМ Мали-T830 МП1 графички чип. Ова е истата архитектура што работи со Галакси А3 (2017), ја информира „Гизмочајна“.

Во исто време, Самсунг Галакси A6 + ќе го користи Снапдрагон 625 процесорот со Адрено 506 графика и ќе има 4ГБ РАМ меморија, за разлика од 3ГБ РАМ меморија во Галакси A6. Според непотврдени информации, двата паметни телефони ќе имаат двојни задни камери и „Инфинити“ дисплеи.

Во овој момент, ова се сите информации што ги имаме за двата модели. Можеме да бидеме сигурни дека ќе го задржат елегантниот дизајн на нивните претходници и ќе работат под Андроид 8.0 Oреo. Премиерата на Галакси A6 и Галакси A6 + во голема мера ќе ја зголеми конкуренцијата во овој ценовен опсег.

Самсунг дополнително ќе открие детали кога ќе почне да ги продава уредите во Европа и за тоа каква ќе биде нивната цена на пазарот.

Share Button
MK News

Автор инфо

No comments yet.

Остави коментар

UA-33057274-1