Од 1 јануари електронскиот отпад ќе треба да го оставате кај продавниците на електрична опрема


Само 90 од вкупно регистрираните 477 компании за производство и увоз на електрична и електронска опрема имаат потпишано договор со „Нулта отпад“, единственствената компанија која досега поседува лиценца за колективен постапувач, иако во најава е регистрирање на уште најмалку една компанија до крајот на годинава.aparati domakjinstvo otpad

Согласно Законот за управување со електрична и електронска опрема од 1 јануари идната година сите производители и увозници на електрична и електронска опрема треба да се организираат како колективни постапувачи или самостојно да се собира одреден надоместок со кој ќе се покријат трошоците за одделно собирање на отпадната електрична опрема, нејзино соодветно транпсортирање до инсталации кои имаат лиценца за преработка и третман. Дел од тие средства ќе се користат за подигање на јавната свест на граѓаните како да се ослободат од електричниот отпад.

Во Законот се пропишани казнени одредби доколку не се организирани до крајот на годинава, но прво инспекцијата ќе оди со превенција и укажување и ќе им се дава рок до кога треба да ги надминат неправилностите, а потоа со казнување

Проблем беше со граѓаните  немаа како да  се ослободат од овој отпад и најчесто завршуваше како комунален отпад, што е против Законот за управување со отпад донесен во 2004 година. Граѓаните не се несовесни и повеќе од нив би го почитувале Законот и правилно би се ослободиле од електронскиот и електричниот отпад доколку знаат како и каде.

Колективните постапувачи треба да ја информираат јавноста каде може да се ослободат од електронскиот отпад. Граѓаните, додаде, имаат право бесплатно да го остават електричниот и електронскиот отпад, односно својот неисправен електричен уред во продажните места, а продавачот е должен да го преземе.  Продажните места поголеми од 200 метри квадратни треба да имаат посебен простор каде ќе се остава електричен и електронски оптад, додека општините треба да имаат најмалку еден собирен центар за ваква опрема на 30.000 жители.

Електричниот и електронскиот отпад во себе содржи опасни елементи и тешки метали кои доколку дојдат во допир со природата се многу штетни и можат да предизвикаат еколошка катастрофа.

Share Button
MK News

Автор инфо

No comments yet.

Остави коментар

UA-33057274-1