Во атарот на село Лавци, битолско, засега непознат сторител извршил сквернавење на гроб, соопшти МВР.
Тој ја извадил од лежиштето и ја оштетил надгробната мермерна плоча, го ископал гробот, по што украл златен накит вреден околу 15.000 денари, а причинил материјална штета од околу 20.000 денари.
Според локалните жители гробот е на девојка која починала млада и е погребана пред 16 години. Полицијата најверојатно ќе се фокусира и на некој кој можеби знаел дека девојката била погребана со омилениот накит.
