Смртта на девојката, за која грчките власти тврдат дека е Дениса Маркоска во извештајот е заведена како „Морс игнота“.
Посмртницата воедно е и единствениот документ што во Македонија е испратен од Грција заедно со телото, пишува Канал 5.
Во медицинскиот речник „Морс игнота“ значи непозната природна смрт.
Во објаснувањето е наведено и дека причина за смртта не е позната и дека во моментот на смртта немало други присутни.
Родителите на Дениса Маркоска вчера попладне дале примероци за ДНК и сега се вршат испитувања за утврдување на идентитетот на жртвата.
Во Институтот за судска медицина во Скопје веќе е започната реобдукција на телото, а во тек се ДНК анализите.
Резултатите од реобдукцијата ќе бидат доставени до Министерството за здравство како нарачател на постапката и на семејството Маркоски.
Лекарите од судска медицина не сакаат да прогнозираат колку време ќе биде потребно да завршат сите испитувања.
