Одмор во Грција? – големо зголемување на цените на туристичките места во Грција


Ако се решивте оваа година да одите за Грција, спремете поголем буџет. Македонските туристи кои од почетокот на јуни го „окупираа“ егејскиот брег велат дека има значителна разлика меѓу ланските и цените од оваа година.

На пример, фрапето на плажа кое лани можеше да се купи за околу 3 до 3,5 евра сега се продава во зависност од плажата меѓу 4 и 5 евра.

Поскапо е и гирото. Најпопуларниот грчки фаст-фуд лани се продаваше од 2,2 до 2,5 евра. Оваа година гиро тешко се наоѓа под 3 евра велат туристите.

Флаша пиво, во моментов чини околу 4 евра, а лани, на истите плажи можело да се купи и за помалку од 3 евра.

За 1 до 2 евра е поскапа и пицата, а зголемување на цените има и во супермаркетите, и тоа оние големите познати ланци како Лидл, Масутис и слично.

Оние кои веќе резервирале сместување велат дека и тука има разлика во однос на ланските цени.

Share Button
MK News

Автор инфо

No comments yet.

Остави коментар

UA-33057274-1