Од стан во Скопје вчера се украдени лап топ, 200 евра, разновиден златен накит и накит „Сваровски”, во вкупна вредност од 300.000 денари, информира денеска Министерството за внатрешни работи.
Во полициската станица Бит Пазар Л.С.(47) пријавила дека вчера во времето од 13.30 до 18.05 часот во нејзиниот стан на улицата „Џон Кенеди” од страна на непознат сторител е извршена тешка кражба при што е одземен лап топ, 200 евра, разновиден златен накит и накит „Сваровски”.
– Сторителот со употреба на погоден клуч ја отворил влезната врата, влегол внатре и ги одзел наведените предмети, по што го напуштил местото на настанот стекнувајќи се со противравна имотна корсит од околу 300.000 денари. Извршен е увид на местото на настанот и се работи на целосно расчистување на случајот, наведуваат од МВР.
