Вчера утрото, двајца разбојници ја ограбиле експозитурата на Стопанска Банка во трговскиот центар “Буњаковец” во Скопје.
Двајцата вооружени разбојници, вчера околу 10 часот влегле во експозитурата на Стопанска Банка и им се заканиле на вработените дека ќе ги убијат доколку не ги добијат парите.
Разбојниците го земале пленот тежок осум илјади евра и избегале во непознат правец.
За среќа нема повредени меѓу вработените во експозитурата. Од полицијата велат дека ги бараат разбојниците.
