На поранешниот член на рускиот боб екипаж оd Зимските олимписки игри во Торини во 2006 година, Пјотр Макарчук, олимпискиот факел му го запали левиот ракав од јакната, но лицата од неговата придружба брзо реагирале гаснејќи го огнот, па минал без изгореници.
Инцидентот со олимпискиот факел за претстојната зимска олимпијада која во февруари ќе се одржи во руското одморалиште Сочи, се случил во средата во сибирскиот град Абакан. Досега во најдолгата патека на олимпискиот оган во историја, при што факелот беше и во отворената Вселена и на дното од најдлабокото езеро на планетата и на највисокиот вулкан на европскиот континент, се случиле десетина инциденти, а најчесто проблем бил тоа што огнот неочекувано згаснувал.
Патот на олимпискиот оган за игрите во Сочи изнесува вкупно 65 илјади километри и ќе трае вкупно четири месеци.
Makfax
