Опозицијата бара кривична одговорност за Заев за наводен поткуп на гласачи


Втор ден поминува без никаква реакција од Јавниот обвинител за отвореното признание на Зоран Заев дека поттикнува и нуди поткуп за купување на гласачко право, обвинува опозицијата. Од ВМРО ДПМНЕ побараа надлежните институции да покренат постапка против премиерот бидејќи, според нив, говорот на Заев е потврда на кривично дело кое во правниот систем на Македонија е опфатено во најмалку четири закони.

Во видеото Заев вели дека одредени инвеститори и сопственици на фирми ветиле награди на работниците, доколку излезат и гласаат на референдумот, а охрабрување за таквиот пристап упатува и самиот премиер:

Овде има и мотив и признание за криминално дело, велат од опозицијата.

Премиерот Заев, е одлучен и посветен на градењето социјална држава и фер и еднакво општество за сите, а грижата за стандардот на работниците останува врвен приоритет на Владата предводена од СДСМ, реагираат од владејачката партија. Велат дека поддршката од државата за домашните претпријатија претставува значаен поттик за менаџерите и сосптвениците на компаниите, континуирано да ги покачуваат платите на работниците.

Претставки до јавниот обвинител, Државната изборна комисија, Државната Комисија за Спречување на Корупцијата, Транспаренси Интернешнл и Мисијата на ОБСЕ во врска со овој случај поднесе и партијата Глас за Македонија. Оттаму ги повикаа наведените институции да делуваат независно во врска со овој, како што го нарекуваат, мега скандал.

Share Button
MK News

Автор инфо

No comments yet.

Остави коментар

UA-33057274-1