Албанската полиција рано утрово уапсила четири лица, меѓу кои е и Исмаил Морина, човекот кој беше во центарот на скандалот со дронот на мечот помеѓу Србија и Албанија одигран во Белград
Полицијата го сопрела џипот на Морина, а при претресот кај него биле пронајдени два пиштоли за кои немал дозвола. Овој албански навивач од групата „Балисти“ имал пиштоли марка „Застава“ и неколку рамки со муниција.
Морина е уапсен с
о уште тројца Албанци од Тирана, а обвинет е за нелегално поседување на оружје.
Покрај Морина уапсени се Ерион Буши, Денис Бала и Малин Реха, сите родени во Тирана.
Како што наведуваат полициски извори, Морина во вторникот вечерта пукал од пиштолот „Застава“. Пукањето го пријавиле загрижени граѓани на Тирана, а утрово тој е уапсен.
Во полициската станица Морина рекол дека го чувал спорното оружје за самоодбрана поради се почестите закани кои ги добивал по скандалот со дронот во Белград.
Исто така, кај него биле пронајдени 30 влезници за утрешниот меч помеѓу Албанија и Србија.
