Американската глумица Памела Андерсон одлучила да проговори за случувањата од својот приватен живот и притоа да ја открие шокантната вистина, дека во основно училиште била силувана.
Познатата „Плејбој“ зајачица како дете била злоставувана од дадилката, додека нејзиното прво момче ја присилило на групен секс.
Памела Андерсон во текот на хуманитарната вечера која е организирана во Кан, проговорила за своето детство откривајќи дека во основно училиште била жртва на насилство и силување.
– Имав 12 години кога постариот брат на мојата пријателка ме силуваше. Беше 13 години постар од мене. Почна со масажа на грбот, а заврши со насилство – изјавила глумицата.
Памела досега, никогаш немала храброст да проговори за своето трауматично детство. Таа исто така открила дека дадилката ја злоставувала кога имала само шест години, а една година по првото брутално силување ја искористил и нејзиното поранешно момче, чие име не сакала да го открие.
– Собра шест свои пријатели и сите ме силуваа. Сакав да умрам од болка и од срам – рекла Памела и додала дека се надева, дека нејзиното искуство ќе им помогне и на другите, особено на младите во борбата против насилството.
