Двајца службеници од српската амбасада во Либија се киднапирани пред неколку часа. Информацијата за српските медиуми ја потврдиле и од Министерството за надворешни работи.
Киднапирањето е извршено во градот Сирт. За инцидентот веднаш се известени и безбедносните служби на Србија и Либија. Едниот е возач а другиот службеник во амбасадата.
Како пренесува Блиц министерот Ивица Дачиќ веќе се слушнал со неговиот колега во Либија.
Сирт се наоѓа помеѓу Триполи и Бенгази. Овој град беше и најголемата поддршка на Моамер Гадафи и неговите следбеници за време на граѓанската војна.
