Секојдневно температурите ќе бидат се повисоки. Се предвидува дека во недела температурата ќе достигне максимални 40 степени.
Управата за хидрометеоролошки работи најавува дека од вторник следува период на сончево и топло време со пораст на дневната температура.
Особено топло време се очекува за време на викендот кога температурата на воздухот во југоисточните делови ќе достигне до 40 степени Целзиусови.
Утре се очекуваат температури до 35 степени во јужните делови од земјава, додека во високите планински региони ќе биде за десетина степени посвежо.
Во Скопје исто така ќе преовладува особено топло време со температура до 32 степени.
