Пензионерка од руската Вороњешка Област, 600 километри јужно од Москва, Наталија Власова на лотарија освои половина милијарда рубљи (7,2 милиони евра), што е најголема добивка во историјата на Русија.
Куриозитет е тоа што таа за премијата дознала седум дена по извлекувањето и тоа благодарение на нејзината внука, која го проверила лозот.
Иако наградата е релативно помала во споредба со америанските и европските џекпотови, половина милијарда рубљи е повеќе од задоволителна добивка за просечен руски пензионер, чија пензија изнесува во просек 200 евра месечно.
Власова има намера дел од парите да донира во добротворни цели.
