Додека челниците на ПСЖ се обидуваат да го придобијат Ибрахимовиќ со милионски суми, во Милан почна да паѓа цената на дресовите на Швеѓанецот што сега се продаваат за само 5 евра.
За време на пријателскиот натпревар меѓу А и Б тимот на „росонерите“ што се играше во саботата на самиот влез на кампот биле поставени штандови на кои единствено се продаваше дресот на Златан Ибрахимовиќ.
Ваквата симболична сума за дресот на шведскиот интернационалец се должи на веројатната преселба на напаѓачот во францускиот тим.
