Неутешно е семејството на младиот Никола Бене (32), од Будровци кај Карловац кој почина во болница по страшната сообраќајна несреќа која се случи во саботата на загребската Љубљанска авенија. На неговиот автомобил „шкода“ налетал камион при што се случи несреќата. Никола бил префрлен во болница каде што им подлегнал н а повредите, пишува 24сата.хр.
Никола десет години работел во загребска компанија како електросервисер и во времето на несреќата се враќал од работа.
– За несреќата не знаевме до 17 часот кога неговите колеги го препознаа неговиот автомобил и ни јавија за несреќата. Дознавме дека е тешко повреден и веднаш се упативме во болница. За жал, подоцна вечерта лекарот ни јави дека Никола почина. Беше полн со живот, вреден, вљубеник во спортот, секому при рака кога ќе му затреба помош, имаше планови, а сега се` прекина, вели таткото на Никола.
Никола бил вреден млад човек. Само што го започнал животот, а оваа година требало да се венча со својата девојка Сања со која бил во тригодишна врска, но нивните планови одеднаш прекинале, пренесува 24сата.хр.
– Планиравме свадба. Го уредувавме поткровјето за нашиот заеднички живот, а сега се` е прекинато. Никола беше најдобриот човек кого го познавав. Беше спортски тип, се занимаваше со бициклизам, пливање, скиење, само што се вративме од скиење. Но, во сообраќајот често беше магнет за несреќи. Имаше повеќе мали несреќи. И неколку дена пред оваа несреќа на семафор некој се заби во неговиот заден браник, вели Сања вереницата на Никола.
Полицијата се уште утврдува зошто камионот преминал во спротивна насока.
