По 4 години бегство – уапсен наркобосот Дарко Шариќ (Видео)


Во заедничка операција на властите на Србија и Црна Гора рано изутринава е уапсен наркобосот Дарко Шариќ, јави Танјуг.

Со реализацијата на оваа чувствителна и долго планирана акција раководеа министрите за правда на Србија и Црна Гора Никола Селаковиќ и Душко Марковиќ.

Darko_SaricШефот на нарко мафијата Дарко Шариќ во јавноста, поточно во медиумите прв пат се појавува во октомври 2009 година, кога медиумите пренесоа дека уругвајската полиција запленила 2,8 тони кокаин на јахтата „Мауи“, под британско знаме, во пристаништето Сантијаго Васкес, 25 километри западно од Монтевидео.

Во таа прилика се уапсени две лица, Уругваец и Србин, кои се обиделе кокаинот од јахтата да го префрлат на прекуокеански брод, чија крајна дестинација била Западна Европа.

Товарот со дрогата бил пресретнат во рамки на заедничката акција „Балкански воин“, на американската агенција ДЕА, српската БИА и полицијата на Уругвај.

Паралелно белградската полиција ги уапси припадниците на групата на Шариќ, кои биле во Србија.

Во јануари 2010 година по Шариќ е распишана меѓународна потерница.

Според пишувањето на подгоричкиот весник „Побједа“ од 25 јануари 2010 година, а повикувајќи се на анонимни извори од полицијата, Дарко Шариќ, кој последен пат е виден во Пљевљи десет дена порано, ја напуштил Црна Гора и оттогаш му се губи трага. Истиот весник подоцна објави дека Шариќ избегал во Швајцарија.

darko-saric-pre-i-posle-foto-kurir-1395135727-464161Милош Опарница, шеф на Националното биро на Интерпол во Србија, обелодени на 15 февруари 2010 година дека полицијата почнала да се занимава со Шариќ уште во 2000 година, поради перење пари. Во февруари 2010 година Управата на полицијата на Црна Гора соопшти дека Шариќ, кој е осомничен за шверц на кокаин, ја напуштил територијата на Црна Гора илегално, неколку дена пред да биде доставена меѓународна потерница до црногорското биро на Интерпол.

Опарница нагласи дека медиумите шпекулираа дека Шариќ се наоѓа во Чешка, Словачка, Швајцарија, коментирајќи дека тој бил активен во повеќе од пет држави.

Обвинителството за организиран криминал на Србија на 13 април 2010 година покрена обвинение против групата на Шариќ. Еден ден подоцна државниот секретар во Министерството за правда, Слободан Хомен изјави дека суштината на борбата против нарко-кланот на Шариќ и останатите криминални групи е откривањето на нивните врски со поединечни државни функционери од јавните претпријатија, како и носители на државни функции.

Судењето на Шариќ и неговата група поради шверц на повеќе од два тони кокаин од Латинска Америка во Западна Европа почна на 9 март 2012 година, во Специјалниот суд во Белград.

Обвинителството за организиран криминал покрена вкупно пет обвиненија против Дарко Шариќ поради трговија со дрога и перење пари.

Дарко Шариќ е роден на 21 октомври 1970 година.

Share Button
MK News

Автор инфо

No comments yet.

Остави коментар

UA-33057274-1