Басистот на српскиот бенд „Слатки грех“Душан Трифунчевиќ, по кратко, но тешко боледување почина вчера во Нови Сад.
Најпознат и најзапаметен е како Лепи Бора, фантастичен шоумен и најверојатно најбуцкастиот, но и најсимпатичниот музичар на естрадата.
Неговиот бенд најмногу се прослави по настапите со Лепа Брена во деведесетите години. Лепи Бора почина на свои 63 години, а ќе биде погребан во четврток на Градските гробишта во Нови Сад.
– Ги информиравме неговите пријатели и колеги од „Слатки грех“ и некои од нив веќе беа кај нас – вели за српски „Блиц“ Јована Трифунчевиќ, ќерката на Лепи Бора.
Според нејзините зборови тој починал вчера во 17.33 часот и од тогаш постојано ѕвони телефонот.
– Изненаден сум и потресен од веста за неговата смрт бидејќи иако имаше три бајпаса секогаш ми зборуваше дека одлично се чувствува. Беше прекрасен татко, голем музичар и исклучителен професионалец. И исклучителен пријател – вели за „Блиц“ Саша Поповиќ.
